Hópur 16 fyrirtækja á ferðasýningu í Noregi
Útflutningsráð Íslands í samstarfi við Ferðamálastofu og sendiráð Íslands í Ósló skipulagði nýverið þátttöku 16 fyrirtækja á ferðakaupstefnunni Reiseliv sem haldin var 14.-17. janúar sl. Reiseliv er haldin árlega í Lilleström og er stærsta ferðasýningin sem haldin er í Noregi.
Í ár sóttu 33.328 manns sýninguna sem er rúmlega 3.000 manna aukning frá því fyrra.
Á sameiginlegum bás Íslands voru eftirtalin fyrirtæki: Ferðaþjónusta Bænda, Hótel Hekla, Hótel Hvolsvöllur, Hótel Kea, Hótel Selfoss, Iceland Excursion – Gray Line Iceland, Iceland Travel, Icetour, Ísak, Íshestar, Markaðsstofa Suðurlands, Radisson Blu, Restaurant Reykjavik og Snæland Grímsson.
